விஜய் தற்போது பரதன் இயக்கத்தில் நடித்து வருகிறார். இப்படத்தின் இரண்டு
கட்ட படப்பிடிப்பு முடிந்துவிட்ட நிலையில் அடுத்தகட்ட படப்பிடிப்பு
விரைவில் தொடங்கவுள்ளது. இந்நிலையில் இந்த படத்தில் விஜய் இரண்டு, மூன்று
வேடங்களில் நடித்து வருவதாகவும், அவற்றில் ஒரு வேடத்தில் நடிக்க 10 கிலோ
எடையை குறைத்திருப்பதாகவும் கூறப்பட்டது.
ஆனால் தற்போது வந்துள்ள புதிய தகவலின்படி இந்த படத்தில் விஜய்க்கு ஒரே
வேடம்தான் என்றும் இரண்டு அல்லது மூன்று வேடங்களில் விஜய் நடிக்கின்றார்
என்ற செய்தியில் உண்மையில்லை என்றும் படக்குழுவினர் தெரிவித்துள்ளனர்.
ஆனால் அதே நேரத்தில் விஜய்க்கு ஒரே வேடமாக இருந்தாலும் இரண்டு அல்லது
மூன்றுவித கெட்டப்புகளில் அவர் தோன்றுவார் என்று எதிர்பார்க்கப்படுகிறது.
இன்னும் பெயரிடப்படாத இப்படத்தை ‘விஜய் 60’ என்று அழைத்து வருகிறார்கள்.
இதில் விஜய்க்கு ஜோடியாக கீர்த்தி சுரேஷ் நடித்து வருகிறார். மேலும்
ஜெகபதி பாபு, சதீஷ், ஸ்ரீமன் உள்ளிட்ட பலர் நடித்து வருகிறார்கள். சந்தோஷ்
நாராயணன் இசையமைத்து வரும் இப்படத்தை விஜயா புரொடக்ஷன்ஸ் நிறுவனம்
தயாரித்து வருகிறது.
EmoticonEmoticon